THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

MKUTANO WA WADAU KATI YA SERIKALI, WAAJIRI PAMOJA NA SEKTA BINAFSI KUHUSU MASWALA YA FIDIA KWA WAFANYAKAZI KUFANYIKA JIJINI MBEYA, MEI 26, 2018



MAFUTA YA KULA YAKAMATWA YAKIBADILISWA BRAND YA TURKEY NA KUWEKWA STIKA YA OKI

Na Ramadhan Ali - Maelezo
Wakala wa Chakula na Dawa Zanzibar (ZFDA) imegundua udanganyifu uliokuwa ukifanywa na mfanyabiashara Ujudi Abass wa kubadilisha utambulisho (brand) wa mafuta ya kula ya TURKEY na kuweka utambulisho wa  OKI kinyume na sheria.
Akizungumza na waandishi wa habari Kaimu Mkurugenzi Mtendaji wa ZFDA Dkt. Khamis Ali amesema udanganyifu huo uliokuwa ukifanywa ndani ya Tawi la CCM Makadsara ulibainika baada ya kupata taarifa kutoka kwa raia wema.
Alisema utambulisho wa OKI uliokuwa ukitumiwa  kinyume na sheria na mfanyabiashara huyo ulikuwa wa kughushi na lengo lake kubwa ni kutafuta soka na bei ya juu katika masoko ya Dar e salaam ambako  hivi sasa kunaupungufu wa mafuta hayo.
Dkt. Khamis alisema kuwa mafuta hayo, zaidi ya galoni 747, yanatoka nchini Indonesia na yalizalishwa mwezi Mei mwaka 2017 na muda  wa mwisho wa matimizi ni mwezi Mei mwaka 2019 hivyo yapo salama kwa ajili ya matumizi na kosa la mfanyabiashara huyo ni kubadilisha utambulisho halali wa TURKEY na kuweka utambulisho wa Kampuni nyengine
Alisema mfanyabiashara Ujudi Abss hivi sasa anashikiliwa na vyombo vya ulinzi na  anatarajiwa kufikishwa katika vyombo vya sheria wakati wowote kujibu tuhuma za udanganyifu.
Mwakilishi wa Kampuni ya Sahara ambao ni wakala wa OKI ameeleza kusikitishwa na kitendo cha  udanganyifu wa  uliofanywa na mfanyabiashara huyo kutumia stika za kampuni hiyo kwa lengo la kutafuta kipato kwa vile mafuta ya OKI ni maarufu na yanasoko.
Alisema kitendo cha kutumia stika ya kampuni kwa biashara nyengine kwa njia  udanganyifu kinaweza kushusha hadhi ya biashara ya halisi na  kupoteza imani kwa watumiaji. 
 KAIMU Mkurugenzi Huduma za  Wakala wa Chakula, Dawa na Vipodozi Zanzibar Abdulaziz Shaib Moh’d akibandua stika ya kughushi ya OKI iliyowekwa kwenye mageleni ya mafuta ya kula ya kampuni ya TURKEY  katika eneo la Shaurimoyo Mjini Zanzibar.
 BAADHI ya madumu ya  mafuata ya kula kutoka Indonesia yenye stika ya  TURKEY yakiwa  yamepandishiwa  stika ya OKI  kwa njia za udanganyifu bila ya idhini ya wamiliki wa kampuni hiyo.
 VIFAA vilivyotumika kubadilishia Stika za mafuta ya TURKEY kutoka Indonesia na kuwekwa stika ya OKI juu kwa njia za udanganyifu bila ya idhini ya wamiliki wa kampuni hiyo.
 MADUMU ya mafuta ya kula yakiwa  yameshabadiliswa stika ya asili ya TURKEY na kuwekwa ya OKI yakisubiri kuingizwa Sokoni.
  KAIMU Mkurugenzi  Mtendaji Wakala wa Chakula Dawa na Vipodozi Zanzibar Dkt. Khamis Ali Omar akionyesha stika zilizotumika kufanyia udanganyifu  alipokuwa akizungumza na waandishi wa habari katika Mtaa wa Makadara Mjini Zanzibar.
MWAKILISHI wa Kampuni ya Sahara ambao ni Wakala wa Mafuta ya OKI Salum Moh’d akizungumza na Waandishi wa Habari jinsi ya kampuni hiyo ilivyosikitishwa na udanganyifu wa kutumika stika ya kampuni hiyo bila idhini yao.
Na Abdalla Omar / Maelezo Zanzibar


AfDB YASISITIZA NIA YA KUFADHILI MRADI WA KUONGEZA MNYORORO WA THAMANI WA MAZAO

Benki ya Maendeleo ya Afrika (AfDB) imeahidi kufadhili mradi wa Kuongeza Mnyororo wa Thamani wa Mazao ya Chakula ili kuunga mkono jitihada za Serikali ya Awamu ya Tano za kujenga uchumi wa viwanda na kuinua kipato cha wakulima.

Hayo yamebainishwa na Naibu Katibu Mkuu wa Wizara ya Fedha na Mipango Bi. Amina Khamis Shaaban, baada ya kukutana na kufanya mazungumzo na  Meneja  wa Benki ya Maendeleo ya Afrika (AfDB) anayeshughulikia Maendeleo ya Miundombinu Vijijiji, Bw. Olagoke Oladapa, kwenye Mkutano wa Mwaka wa Benki ya Maendeleo ya Afrika- AfDB unaoendelea Jijini Busan- Jamhuri ya Korea Kusini.

Bi. Amina Shaaban anayemwakilisha Waziri wa Fedha na Mipango,  Dkt. Philip Isdor Mpango, katika Mkutano huo, alisema kuwa mwanzoni mwa mwezi Mei, 2018, AfDB ilituma timu ya wataalam nchini  Tanzania kufanya mazungumzo ya awali na Serikali kuhusu utekelezaji wa mradi huo ambao ni ahadi ya  Rais wa AfDB, Dkt. Akinumwi Adesina kwa Mhe. Rais Dkt. John Pombe Joseph Magufuli wakati wa  ziara yake ya  kikazi nchini Tanzania mwishoni wa mwezi Aprili, 2018.

Miongoni mwa viongozi wa Serikali waliokutana nao ni pamoja Mawaziri kutoka Wizara ya Fedha na Mipango, Wizara ya Viwanda, Biashara na Uwekezaji, na Wizara ya Mifugo na Uvuvi.

“Serikali imefurahishwa na utayari wa AfDB kufadhili mradi huo kwani utachangia ukuaji wa uchumi na kuleta maendeleo katika sekta ya viwanda na kilimo nchini Tanzania” alisema Bi. Shaaban

Naibu Katibu Mkuu Bi. Shaaban alisema utekelezwaji wa mradi wa kuongeza mnyororo wa thamani ya mazao ya chakula utanufaisha watu wengi hasa wa kipato cha chini kwa kuwa sekta ya kilimo Tanzania inachukua nafasi kubwa katika kuinua uchumi wa nchi.

Aidha, Naibu Katibu Mkuu, aliahidi kuwa Serikali itaharakisha ukamilishaji wa taratibu za maandalizi ya awali ya mradi huo utakao chochea maendeleo ya Sekta ya Kilimo na Viwanda kwa kiasi kikubwa kwa kuwa tayari Benki ya AfDB imeonesha utayari wa kuupatia fedha.  
Naibu Katibu Mkuu wa Wizara ya Fedha na Mipango Bi. Amina Khamis. Shaaban (kushoto) akiwa kwenye mazungumzo na Meneja wa Benki ya Maendeleo ya Afrika- AfDB anayeshughulikia Maendeleo ya Miundombinu Vijijiji Bw. Olagoke Oladapa (katikati), kuhusu utekelezaji wa mradi wa Kuongeza Mnyororo wa Thamani wa Mazao ya Chakula  Jijini Busan- Korea Kusini.

(Picha na Kitengo cha Mawasiliano Serikalini Wizara ya Fedha na Mipango)


WANAOHUSIKA NA KUUZA VIWANJA ENEO LA KAMBI YA WAZEE NUNGE WAKAMATWE-SERIKALI.


NA WAMJW-DAR ES SALAAM.

SERIKALI kupitia Wizara ya Afya ,Maendeleo ya Jamii,Jinsia,Wazee na Watoto imeutaka uongozi wa Kambi ya Wazee na watu wasiojiweza Nunge kuwakamata wahusika wanaouza viwanja katika eneo la kambi hiyo .

Hayo yamesemwa leo na Naibu Waziri wa Afya,Maendeleo ya Jamii,Jinsia,Wazee na Watoto Dkt. Faustine Ndugulile wakati akijibu kero za Wazee wa Nunge alipotembelea kambi hiyo iliyopo Kigamboni jijini Dar es salaam.

Sambamba na hilo Dkt. Ndugulile alisimamisha ujenzi wa nyumba ya mwananchi wan je na kambi hiyo uliokuwa unaendelea katika eneo hilo ambalo inadaiwa sio muhusika wa eneo la kambi ya wazee ya Nunge na kusema aliyeuziwa katika eneo hilo Serikali haitamtambua. “Marufuku kwa mtu yeyote kuuza,kununua wala kujenga pamoja na kuchimba mchanga katika eneo la kambi hii na mtu atakayebainika anajihusisha na vitendo hivyo basi hatua za sharia zitafuata zidi yake “ alisisitiza Dkt. Ndugulile.

Aidha Dkt. Ndugulile amesema kuwa misaada inayokuja katika kambi hiyo iwe inawekwa kwenye utaratibu maalumu ili kila mmoja aweze kupata mahitaji anayostahili kwa wakati husika na viorodheshwe kwenye daftari la kambi hiyo kama kumbukumbu ili kuondoa changamoto ya kurumbana kuhusu mahitaji kwa wazee hao.

Mbali na hayo Dkt. ametoa muda wa wiki mbili tatizo la usafiri kwa wazee wa kambi hiyo liwe limeshughukulikiwa kwa kutengeneza bajaji iliyotolewa na Serikali kwa manufaa ya Wazee wa kambi hiyo na si vinginevyo.

Kwa upande wake Mganga Mfawidhi wa Kituo cha Afya cha kambi ya wazee Nunge Dkt. Dismas Chihwalo wakati akisoma taarifa fupi ya kituo hiko amesema kuwa ili uwepo utaratibu mzuri wa kuhudumia walengwa katika kambi hiyo ni lazima kuwepo na makualiano maalumu kwa kutia saini baina ya wanaoletwa kwa mahitaji maalum na viongozi wa kambi hiyo.

“Serikali inatakiwa kuhakikisha wanaoletwa kwa ajili ya huduma maalum na kwa muda maalum wanatia saini mkataba wa makubaliano ili kuweza kuepusha migogoro ya kutoa huduma katika kambi hiyo kwa wanaostahili” alisema Dkt. Chihwalo.Kambi ya Wazee na wasiojiweza Nunge ilianzishwa mwaka 1936 kwa makusudi ya kuwahudumia Wazee na wasiojiweza pamoja na wenye ukoma ili wasipate shida za mahittaji muhimu na huduma za afya kwa wakati sahihi. 
 Naibu Waziri wa Afya, Maendeleo ya Jamii, Jinsia, Wazee na Watoto Dkt. Faustine Ndugulile akikagua chakula wanachopikiwa wazee wa kambi ya Nunge iliyopo Kigamboni wakati wa ziara yake ya kukagua hali ya utoaji huduma kituoni hapo mapema leo.
 Naibu Waziri wa Afya, Maendeleo ya Jamii, Jinsia, Wazee na Watoto Dkt. Faustine Ndugulile akiongea na moja ya binti wa Mhitaji anaeishi katika kambi hiyo ya Nunge iliyopo Wilaya ya Kigamboni, huku lengo la ziara hiyo likiwa kukagua hali ya utoaji huduma kituoni hapo.
 Baadhi ya Wazee waliojitokeza katika ukumbi wa Kituo cha kulelea Wazee wa Nunge ili kupata fursa ya kuzungumza na mgeni rasmi Naibu Waziri wa Afya, Maendeleo ya Jamii, Jinsia, Wazee na Watoto Dkt. Faustine Ndugulile pindi alipofanya ziara kituoni hapo.
 Naibu Waziri wa Afya, Maendeleo ya Jamii, Jinsia, Wazee na Watoto Dkt. Faustine Ndugulile akizungumza na wananchi wake wa jimbo la Kigamboni Wilayani Kigamboni pindi alipofanya ziara ya kukagua hali ya utoaji huduma kituoni hapo mapema leo.
Naibu Waziri wa Afya, Maendeleo ya Jamii, Jinsia, Wazee na Watoto Dkt. Faustine Ndugulile akisisitiza jambo mbele ya viongozi wa kituo cha kulelea wazee cha Nunge na wazee waliojitokeza kumsikiliza pindi alipofanya ziara kituoni hapo.


INTRODUCING "NASTAY" BY B GWAY @ MIX TOUCHEZ SOUND STUDIO


‘VITA’ SARATANI YA SHINGO YA KIZAZI YAZINDULIWA DODOMA

Na Ramadhani Juma, Ofisi ya Mkurugenzi
ZOEZI la utoaji wa chanjo ya kinga dhidi ya ugonjwa wa Saratani ya Shingo ya Kizazi kwa Wanawake limezinduliwa rasmi katika Halmashauri ya Manispaa ya Dodoma huku wasichana waliopatiwa chanjo hiyo wakitoa wito kwa wenzao kujitokeza na kuhakikisha wanakingwa dhidi ya ugonjwa huo.
Uzinduzi huo umefanyika jana katika ukumbi wa Dodoma Sekondari ambapo mgeni rasmi katika hafla fupi ya uzinduzi huo alikuwa Kaimu Mkuu wa Wilaya ya Dodoma Deo Ndejembi huku Mganga Mkuu wa Halmashauri Hamadi Nyembea akimwakilisha Mkurugenzi Godwin Kunambi.
Akizungumza wakati wa hafla hiyo, Kaimu Mkuu huyo wa Wilaya alisema uzinduzi huo ni kiashiria cha kuwafikia Wasichana wote wenye chini ya umri wa miaka 14 ndani ya Wilaya ya Dodoma.
Alisema zoezi hilo litaendeshwa na Halmashauri kupitia Ofisi ya Mganga Mkuu, na litashirikisha viongozi wa ngazi zote ikiwemo Kata na Mitaa ili kuhakikisha kila msichana anayehusika anafikiwa na kupatiwa chanjo hiyo.
Awali, Mganga Mkuu wa Halmashauri Hamadi Nyembea alisema katika kipindi cha Mwaka mmoja ujao, jumla ya Wasichana 7,828 walio na umri wa chini ya miaka 14 wanatarajiwa kufikiwa na kupatiwa chanjo hiyo katika Wilaya ya Dodoma.
Alisema  baada ya miezi sita Wasichana wote waliopatiwa chanjo hiyo watapatiwa tena kwa awamu ya pili ili kukamilisha kinga yao dhidi ya virusi vinavyoeneza ugonjwa huo.
Alimweleza Mgeni rasmi na wajumbe kuwa, chanjo hiyo imethibitishwa na Shirika la AfyaDuniani (WHO) hivyo Wasichana na Wazazi wasiwe na mashaka badala yake watoe ushirikiano wa kutosha ili kufikia lengo la Serikali la kutokomeza ugonjwa huo kama ilivyofanya kwa magonjwa kama Polio.
 Mganga Mkuu wa Halmashauri ya Manispaa ya Dodoma Hamadi Nyembea akizungumza wakati wa uzinduzi wa zoezi la utoaji wa chanjo dhidi ya ugonjwa wa Saratani ya Shingo ya kizazi kwa Wasichana walio chini ya umri wa miaka 14 katika Wilaya ya Dodoma jana. Katikati ni Kaimu Mkuu wa Wilaya ya Dodoma Deo Ndejembi na wa kwanza ni Mkuu wa Shule ya Sekondari ya Dodoma palikofanyika uzinduzi huo Mwalimu Amani Mfaume.  
 Muhudumu wa Afya Ruth Azaliwa akimchoma Sindano ya chanjo dhidi ya Saratani ya Shingo ya Kizazi kwa Wanawake Mwanafunzi wa kidato cha pili wa Shule ya Sekondari ya Dodoma Huda Khalid Rabash kuashiria uzinduzi wa zoezi la utoaji wa chanjo hiyo katika Wilaya ya Dodoma jana. Wanaoshuhudia ni Kaimu Mkuu wa Wilaya ya Dodoma Deo Ndejembi (kushoto) na Mwalimu wa Afya wa Shule hiyo Caritas Burchard (kulia).
 Zoezi la utoaji wa chanjo dhidi ya ugonjwa wa Saratani ya Shingo ya kizazi kwa Wasichana walio chini ya umri wa miaka 14 likiendelea katika Sekondari ya Dodoma mara baada ya kuzinduliwa rasmi na Kaimu Mkuu wa Wilaya ya Dodoma Deo Ndejembi.
 Mwanafunzi wa Kidato cha pili katika shule ya Sekondari ya Dodoma Huda Khalid Rabash akionesha kadi yake aliyokabidhiwa na Kaimu Mkuu wa Wilaya ya Dodoma Deo Ndejembi (kushoto) kama ishara ya uzinduzi rasmi wa utoaji wa chanjo ya kinga dhidi ya ugonjwa wa Saratani ya Shingo ya kizazi kwa Wanawake. Kadi hiyo itamuwezesha kupata chanjo hiyo kwa awamu ya pili baada ya miezi sita ili kukamilisha kinga yake dhidi ya ugonjwa huo. Wengine wanaoshuhudia ni Mganga Mkuu wa Halmashauri ya Manispaa ya Dodoma Hamadi Nyembea (mwenye miwani katikati nyuma)  na Mkuu wa Shule hiyo Mwalimu Amani Mfaume (mwenye miwani katikati mbele). Kushoto ni Mwalimu wa Afya wa Shule hiyo Caritas Burchard.
 Kaimu Mkuu wa Wilaya ya Dodoma Deo Ndejembi akimkabidhi kadi maalum kwa ajili kupata huduma ya chanjo awamu ya pili dhidi ya ugonjwa wa Saratani ya Shingo ya kizazi kwa Wanawake Mwanafunzi wa kidato cha pili wa Shule ya Sekondari ya Dodoma Huda Khalid Rabash kama ishara ya uzinduzi wa zoezi la utoaji wa chanjo hiyo katika Wilaya ya Dodoma jana katika ukumbi wa Shule hiyo.  
Sehemu ya Wanafunzi wa kike wa Shule ya Sekondari ya Dodoma wakifuatilia shughuli ya uzinduzi wa utoaji wa chanjo dhidi ya ugonjwa wa Saratani ya Shingo ya Kizazi  uliofanyika katika Shule hiyo jana. Picha na Ramadhani Juma.


MAKAMU WA RAIS AKUTANA NA MHE. STEPHEN MASELE (MB) NA MHE. MBONI MHITA (MB)

 Makamu wa Rais wa Jamhuri ya Muungano wa Tanzania Mhe. Samia Suluhu Hassan (katikati)akizungumza na Mbunge wa Shinyanga mjini Mhe. Stephen Masele ambaye hivi karibuni amechaguliwa kuwa Makamu wa Rais wa Bunge la Afrika pamoja na Mbunge wa Jimbo la Handeni Vijijini Mhe. Mboni Mhita ambaye pia amechaguliwa kuwa  Rais wa Caucus ya Vijana ya Bunge la Afrika , ofisini kwa Makamu wa Rais , Kilimani Dodoma. (Picha na Ofisi ya Makamu wa Rais)  Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Mbunge wa Shinyanga Mjini Mhe. Stephen Masele ambaye hivi karibuni amechaguliwa kuwa Makamu wa Rais wa Bunge la Afrika, Mheshimiwa Masele  alimshukuru Makamu wa Rais kwa jitihda zake zilizofanikisha ushindi wake.  (Picha na Ofisi ya Makamu wa Rais)
 Makamu wa Rais wa Jamhuri ya Muungano wa Tanzania Mhe. Samia Suluhu Hassan (katikati)akiwa kwenye picha ya pamoja  na Mbunge wa Shinyanga mjini Mhe. Stephen Masele ambaye hivi karibuni amechaguliwa kuwa Makamu wa Rais wa Bunge la Afrika pamoja na Mbunge wa Jimbo la Handeni Vijijini Mhe. Mboni Mhita ambaye pia amechaguliwa kuwa  Rais wa Caucus ya Vijana ya Bunge la Afrika  wengine pichani ni Mbunge wa Mbozi Magharibi Mhe. David Silinde (kulia) na Mbunge wa Viti Maalum Wanawake Zanzibar Bi. Asha Juma (kushoto) , ofisini kwa Makamu wa Rais , Kilimani Dodoma. (Picha na Ofisi ya Makamu wa Rais) 
 Makamu wa Rais wa Jamhuri ya Muungano wa Tanzania Mhe. Samia Suluhu Hassan akimpa mkono wa pongezi Mbunge wa Shinyanga mjini Mhe. Stephen Masele ambaye hivi karibuni amechaguliwa kuwa Makamu wa Rais wa Bunge la Afrika, leo Kilimani jijini Dodoma. (Picha na Ofisi ya Makamu wa Rais) 
 Makamu wa Rais wa Jamhuri ya Muungano wa Tanzania Mhe. Samia Suluhu Hassan (katikati)akimpa mkono wa pongezi Mbunge wa Jimbo la Handeni Vijijini Mhe. Mboni Mhita ambaye pia amechaguliwa kuwa  Rais wa Caucus ya Vijana ya Bunge la Afrika , ofisini kwa Makamu wa Rais , Kilimani Dodoma. (Picha na Ofisi ya Makamu wa Rais) 


MAJALIWA AFUNGUA VITUO VYA POLISI MBURAHATI, KILUVYA NA MBWENI - DAR

 Waziri Mkuu, Kassim Majaliwa akikata utepe kufungua Kituo cha Polisi cha Kiluvya wilayani Ubungo Mei 24, 2018. Wapili kushoto ni Naibu Waziri wa Mambo ya Ndani ya Nchi, Mhadisi, Hamad masauni na wanne kukhoto ni Inspekta Jenerali wa Polisi, Simon Siro, Kushoto ni Kaimu Mkuu wa Mkoa a Dar es salaam na Mkuu wa wilaya ya Temeke, Felix Lyaniva. (Picha na Ofiosi ya Waziri Mkuu) 
Waziri Mkuu, Kassim Majaliwa akizungumza na Inspekta Jenerali wa Polisi, Simon Siro baada ya kufungua Kituo cha Polisi cha Mbweni, Wilayani ya Kipolisi Kawe, Mei 24, 2018. (Picha na ofisi ya Waziri Mkuu)


PRECISION AIR NA MAXMALIPO WAINGIA MKATABA WA MIAKA MITATU WA HUDUMA KWA WATEJA

Na Zainab Nyamka, Globu ya Jamii.

Shirika la ndege la Precision Air limeingia mkataba wa miaka mitatu na kampuni ya MaxMalipo ikiwa ni katika kuboresha huduma za ulipaji wa tiketi kwa njia ya kieletroniki.

Kupitia makubaliano hayo Precision Air itatumia mfumo wa malipo wa MaxMalipo kuwezesha wateja wake kulipia tiketi tiketi zao kwa njia ya malipo ya mitandao ya simu, Benko na Mawakala wa MaxMalipo.

Akizungumza baada ya kuwekeana saini mkataba huo, Mkurugenzi Mtendaji wa Precision Sauda Rajab utakuwa na faida kwa wateja wa Precision Air kulipia tiketi zao kwa urahisi zaidi ambapo watalipa kwa njia ya simu kupitia mitandao yote ya simu za mkononi, malipo kupitia akauntibza benki zinazokubali malipo kupitia mfumo wa MaxMalipo na mawakala wote nchini takribani elfu thelathini (30,000).

Sauda amesema kuwa, makubaliano haya ni kwa muda wa miaka mitatu kuanzia Juni 2017 hadi Juni 2020 na kukiwa na mkakati wa ongezeko la abiria kwa asilimia 20 hadi 30 kwa mwaka wa kwanza mkataba.
Mkurugenzi Mtendaji wa Shirika la Ndege Precision Air Sauda Rajab (kushoto) na Mkurugenzi Mkazi wa MaxMalipo Tanzania Charles Natal wakitia saini makubaliano ya kimkataba ya huduma za ulipaji tiketi kwa njia ya kieletroniki.
Mkurugenzi Mtendaji wa Shirika la Ndege la Precision Air Sauda Rajab akizungumza na waandishi wa habari baada ya kuingia nakubaliano na kampuni ya MaxMalipo, kulia ni Makurugenzi Mkazi MaxMalipo Tanzania Charles Natal.

"Mkataba wetu na MaxMalipo ambapo ni wa miaka mitatu umewekewa makubaliano ya ongezeko la abiria ambapo kwa mwaka tunachukua takribani wateja laki nne (400,000) ila mkakati uliowekwa zaidi ni kufikia malengo ya kuongeza wateja kwa asilimia 20 hadi 30 kwa mwaka wa kwanza,"amesema Sauda.

Kwa upande wa Mkurugenzi Mkazi wa MaxMalipo nchini Tanzania Charles Natal amesema kuwa ubia huu baina ya MaxMalipo na Precision Air unawezesha wateja wote kufanya malipo ya tiketi za usafiri wa ndege kwa urahisi zaidi na kwa haraka.

Amesema kwa sasa MaxMalipo ipo katika nchi tano za Afrika na ikiwemo Tanzania, Uganda, Burundi, Rwanda, Zambia na tayari nchini Kenya wataanza huduma zao hivi karibuni.
Mkurugenzi Mkazi wa MaxMalipo Tanzania Charles Natal akizungumza na waandishi wa habari wakati wa uwekaji saini makubaliano na Shirika la Ndege la Precisio Air kwa ajilo ya huduma za ulipaji wa tiketi kwa njia ya Kieletroniki, kushoto ni Mkurugenzi Mtendaji wa Precision Air Sauda Rajab na Menena Masoko na Mawasiliano Precision Air Hillary Mremi

"Tumejizatiti zaidi kutoa huduma za malipo ya tiketi kwa njia ya kieletroniki badala ya kufanya booking online au kupitia kwenye ofisi za Precision Air na kupatiwa nambari ya malipo (booking reference number),"amesema Natal.
Mkataba huo umesainiwa mbele ya waandishi na wahabari na ubadilishana hati za makubaliano hayo kuonyesha kuanza kazi mara moja.
Mkurugenzi Mtendaji wa Shirika la Ndege la Precision Air Sauda Rajab na Mkurugenzi Mkazi wa MaxMalipo Tanzania Charles Natal wakipeaa mikono baada ya kubalishana hati za makubaliano baina yao. 
Picha ya pamoja baina ya uongozi wa Precision Air na MaxMalipo Tanzania.Mkurugenzi Mtendaji wa Precision Air Sauda Rajab, Mkurugenzi Mkazi wa MaxMalipo Tanzania Charles Natal. Meneja Masoko Na Mawasiliano Precision Air Hillary Mremi na Mkuu wa Kitengo cha Biashara Deogratius Lazaro.Picha na Emmanuel Masaka.


Jaji Mkuu Awataka Viongozi na Watendaji wa Mahakama Kutenda Haki

Na Beatrice Lyimo- Maelezo, Dodoma
Jaji Mkuu wa Tanzania, Profesa Ibrahim Juma amewataka viongozi mbalimbali wa mahakama ikiwemo Naibu Wasajili, Mahakimu, Watendaji, Wakuu wa Idara na Vitengo kutenda haki kwa watumishi walio chini yao.
Jaji Mkuu ameyasema hayo leo Mkoani Dodoma wakati akifungua mkutano wa siku mbili wa baraza la wafanyakazi wa mahakama Tanzania.
“Sisi kama wasimamizi wakuu wa haki nchini tunawajibu mkuu wa kutenda haki kwa watumishi kwa vitendo, ni ukweli usiopingika kwamba kimbilio la mtumishi yeyote aliyefikwa na matatizo ni kwa kongozi wake katika sehemu yake ya kazi, hivyo basi kila kiongozi anapaswa kufungua milango kwa watumishi waliopo chini yake” amesema Jaji Mkuu.
Jaji Mkuu ameongeza kuwa, ubora wa viongozi unapimwa kwa namna wanavyosaidia wafanyakazi walio chini yao, hivyo kuwataka viongozi hao kutokufunga milango yao kwa watumishi wanaowaongoza.
 Jaji Mkuu wa Tanzania Mhe. Prof. Ibrahim Juma akihutubia Baraza la Wafanyakazi wa  Mahakama  ya Tanzania leo Jijini Dodoma.
 Jaji Mkuu wa Tanzania Mhe. Prof.  Ibrahim Juma (katikati) akishiriki kuimba wimbo wa mshikamano kabla ya kufungua  Baraza la Wafanyakazi wa  Mahakama ya Tanzania leo Jijini Dodoma.
 Wajumbe wa menejimenti ya Mahakama ya Tanzania wakishiriki kuimba wimbo wa mshikamano wakati wa kikao cha Baraza la wafanyakazi leo Jijini Dodoma.
 Sehemu ya washiriki  wa Kikao cha Baraza la wafanyakazi kutoka Kanda ya  Dar es Salaam wakifuatilia kikao cha Baraza la wafanyakazi wa Mahakama ya Tanzania leo Jijini Dodoma.
 Wajumbe wa Kikao cha Baraza la wafanyakazi wa Mahakama ya Tanzania wakifuatilia hotuba ya mgeni rasmi ambaye ni Jaji Mkuu wa Tanzania Mhe.  Prof. Ibrahim Juma.
 Wajumbe wa Menejimenti  ya Mahakama ya Tanzania wakifuatilia hotuba ya Jaji Mkuu wa Tanzania Mhe. Prof. Ibrahim Juma  wakati wa Kikao cha Baraza la wafanyakazi wa Mahakama ya Tanzania .
 Katibu wa Baraza la Wafanyakazi  Mahakama ya  Tanzania Bibi Rose  Tengu akitoa maelezo ya awali kuhusu  Baraza la Wafanyakazi wa  Mahakama Tanzania leo Jijini Dodoma.
(Picha zote na Frank Mvungi- MAELEZO)

KUSOMA ZAIDI BOFYA HAPA


YALIYOJIRI LEO BUNGENI JIJINI DODOMA

 Spika wa Bunge la Jamhuri ya Muungano wa Tanzania Mhe. Job Ndugai akisoma dua ya kuliombea Bunge wakati wa kikao cha thelathini na sita cha mkutano wa kumi na moja leo Jijini Dodoma.
Naibu Waziri-TAMISEMI Mhe. Joseph Kakunda akitolea ufafanuzi swala la mapato ya halmashauri kwa ajili ya kinamama na vijana wakati wa kikao cha thelathini na sita cha mkutano wa kumi na moja leo Jijini Dodoma.
 Waziri wa Nchi Ofisi ya Waziri Mkuu Sera, Bunge, Kazi, Vijana, Ajira na wenye Ulemavu Mhe. Jenista Mhagama akizungumza na Waziri wa Fedha na Mipango Dkt.Philip Mpango wakati wa kikao cha thelathini na sita cha mkutano wa kumi na moja leo Jijini Dodoma.
Waziri wa Ardhi, Nyumba na Maendeleo ya Makazi Mhe. William Lukuvi akiteta jambo na Waziri wa Nishati Dkt. Medard Kalemani wakati wa kikao cha thelathini na sita cha mkutano wa kumi na moja leo Jijini Dodoma.
 Wageni mbalimbali  wakifuatilia kipindi cha maswali na majibu wakati wa kikao cha thelathini na sita cha mkutano wa kumi na moja leo Jijini Dodoma. Picha zote na Daudi Manongi, Dodoma.


Watendaji wanaochangia kuenea kipindupindu Rukwa kushughulikiwa

Mkuu wa Mkoa wa Rukwa Mh. Joachim Wangabo amesema hatamvumilia mtendaji wa serikali atakaechangia kuenea kwa ugonjwa kipindupindu katika mkoa kwani elimu ya ugonjwa huo imeshatolewa kwa muda mrefu hivyo ni jukumu la kila mtendaji kuhakikisha ugonjwa huo unatokomezwa.
Amesema kuwa kumekuwa na tabia iliyojengeka ya watendaji kuanza kufanya majukumu yao baada ya mlipuko wa ugonjwa huo kutokea na kuonya kuwa kaya ambayo haitakuwa na choo katika ngazi ya Kijiji basi mtendaji wa Kijiji atawajibishwa.

“Wakati hatua mbalimbali zikiendelea kuchukuliwa, tukikidhibiti kipindupindu halafu kikatokea tena hapo mahali ambapo kimetokea hatutapaelewa, watendaji wetu wakitilia maanani  wakahakikisha kaya zetu zina vyoo na kuchemsha maji hatuwezi kuwa na kipindupindu, sasa kinatokea kipindupindu halafu kaya haina choo, mtendaji wa Kijiji hicho hana sababu ya kuwa mtendaji,” Alisisitiza.

Ameyasema hayo alipokuwa akifunga kikao cha dharura kilichoitishwa na kamati ya afya ya mkoa ili kujadiliana juu ya mbinu za kutokomeza ugonjwa huo ambao umeathiri zaidi ya watu 600 tangu kulipukwa kwake mwezi November mwaka 2017 na kutoweka mwezi Machi mwaka 2018 na hatimae kuibuka tena tarehe 6, Mei mwaka 2018.

Kikao hicho kilichojumuisha, Wakuu wa ilaya, Wakurugenzi wa halmashauri, Wenyeviti wa halmashauri, madiwani, kamati ya ulinzi na usalama ya mkoa na wilaya, Maafisa Afya wa mkoa na halmashauri, wataalamu wa afya pamoja na waganga wakuu wa wilaya na mganga mkuu wa mkoa kiliazimia kutokomeza ugonjwa huo na kuweka mikakati ya kutorejea tena wa ugonjwa huo.

Akisoma baadhi ya maazimio Katibu Tawala wa Mkoa Benard makali amesema kuwa kamati ya afya za vijiji na vitongoji zisimamiwe kutenda majukumu yake kwani wao ndio wanaojuana zaidi katika utekelezaji wa maagizo na sheria za serikali kuanzia ngazi hizo na kuitaka kamati za afya za Wilaya kuwa na mbinu za kudumu za kuthibiti ugonjwa huo na kutaka elimu zaidi iendelee kutolewa.

Tangu kulipuka tena kwa ugonjwa huo tarehe 6, Mei mwaka 2018 wagonjwa 9 wamefariki na wengine 214 wakiendelea kupatiwa matibabu katika vituo mbalimbali vya Halmashauri ya Wilaya ya Sumbawanga ambayo imeathirika zaidi huku wananchi wake wakiwa na asilimia 36 ya umiliki wa vyoo bora.
Mkuu wa mkoa wa Rukwa, Mh. Joachim Wangabo akitoa nasaha kuhusu ugonjwa wa Kipindupindu kwa wananchi wa kambi ya Nankanga iliyopo kwenye bonde la ziwa Rukwa.


MAKAMU WA RAIS AJUMUIKA NA WATU MBALIMBALI MKOANI DODOMA WAKATI WA FUTARI

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Katibu wa CCM mkoa wa Dodoma Bi. Jamila Yusuph wakati wa Futari iliyoandaliwa na Mheshimiwa Makamu wa Rais jana jioni tarehe 23 Mei, 2018 kwenye makazi yake Ikulu Ndogo, Kilimani Dodoma. (Picha na Ofisi ya Makamu wa Rais)
 Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na mtoto Samiri Abdallah wa kituo cha kulelea na kuwasomesha watoto yatima cha Zam Zam kilichoo Miyuji Dodoma wakati wa Futari iliyoandaliwa na Mheshimiwa Makamu wa Rais jana jioni tarehe 23 Mei, 2018 kwenye makazi yake Ikulu Ndogo, Kilimani Dodoma. (Picha na Ofisi ya Makamu wa Rais) ​


Bajeti ya Wizara ya Mambo ya Nje na Ushirikiano wa Afrika Mashariki yapitishwa na Bunge


   
Mhe. Balozi Dkt. Augustine Mahiga Waziri wa Mambo ya Nje na Ushirikiano wa Afrika Mashariki, akisoma hotuba ya bajeti ya Wizara kwa mwaka wa fedha 2018/2019 bungeni jijini Dodoma. 

Mapema leo Bunge la Jamhuri ya Muungano wa Tanzania limepisha kiasi cha Shilingi Bilioni Mia Moja Sabini na Saba, Milioni Sita na Mia Mbili Thelathini na Mbili Elfu.

Kati ya fedha hizo Shilingi Bilioni Mia Moja Sitini na Sita, Milioni Mia Sita na Sita, na Mia Mbili Thelathini na Mbili Elfu ni kwa ajili ya matumizi ya kawaida, na Shilingi Bilioni Kumi na Milioni Mia Nne ni kwa ajili ya bajeti ya maendeleo. 
Pro. Adolf F. Mkenda Katibu Mkuu Wizara ya Mambo ya Nje na Ushirikiano wa Afrika Mashariki,(wa kwanza kushoto) akifuatilia uwasilishwaji wa hotuba ya bajeti ya Wizara. Wa pili kutoka kushoto, ni Naibu Katibu Mkuu Balozi Ramadhani Mwinyi akifuatilia hotuba. 
Sehemu ya Watendaji wa Wizara wakifuatilia hotuba ya bajeti ya Wizara kwa mwaka wa fedha 2018/2019 iliyowasilishwa na kupishwa bungeni jijini Dodoma .
Mhe.Balozi Dkt. Augustine Mahiga akijibu maswali bungeni mara baada ya kuwasilisha hotuba ya bajeti ya Wizara kwa mwaka wa fedha 2018/2019 
Mhe. Dkt. Susan Kolimba Naibu Waziri wa Mambo ya Nje na Ushirikiano wa Afrika Mashariki (kushoto), akifuatilia hotuba ya bajeti bungeni jijini Dodoma 
Mhe. Balozi Dkt. Augustine Mahiga akifafanua jambo mara baada ya kuwasilisha hotuba ya bajeti ya Wizara. 
Mhe. Balozi Dkt. Augustine Mahiga Waziri wa Mambo ya Nje na Ushirikiano wa Afrika Mashariki, akisalimiana na Dkt. Stergomena Tax Katibu Mkuu wa Jumuiya ya Maendeleo ya Kusini mwa Afrika (SADC) walipokutana katika viunga vya Bunge jijini Dodoma mara baada kuwasilisha hotuba ya bajeti ya Wizara. 
Mhe. Waziri Mahiga akijadili jambo na Mhe. Zitto Kabwe Mbunge wa Kigoma Mjini katika viunga vya Bunge jijini Dodoma mara baada ya kupitishwa kwa hotuba ya bajeti ya Wizara 
Mhe. Waziri Mahiga na Mhe. Naibu Waziri Kolimba wakiwa katika picha ya pamoja na baadhi ya Waheshimiwa Mabalozi na Watendaji wa Wizara waliohudhuria tukio la uwasilishwaji wa bajeti ya Wizara bungeni jijini Dodoma.

HABARI ZAIDI BOFYA HAPA